इजलास बहिस्कार गर्दै आएका सर्वोच्च अदालतका न्यायाधीशहरूले प्रधानन्यायाधीश चोलेन्द्र शमशेर राणासँग संवाद गर्ने भएका छन् ।
प्रधानन्यायाधीशको सम्मानजनक बहिर्गमनका लागि भन्दै उनीहरूले वार्ता टोली पनि गठन गरेका छन् । टोलीमा तीन सदस्य रहेको भनिए पनि अहिले नाम खुलाइएको छैन ।
प्रधानन्यायाधीश हट्न तयार भएमा कुनै सम्मानजनक बाटो पहिल्याउने न्यायाधीशहरूको योजना छ । आफ्नो निर्णय उनीहरूले प्रधानन्यायाधीशलाई समेत सुनाएका छन् ।
प्रधानन्यायाधीशले बहिर्गमनका लागि केही समय मागेमा दिन सकिने गरी न्यायाधीशहरूले रणनीति बनाएको बुझिएको छ ।
यता न्यायाधीशहरूले आज पनि इजलास बहिस्कार गरेपछि प्रधानन्यायाधीश राणाले आफ्नो एकल इजलासमा सुनुवाइ थालेका छन् । अपराह्न ३ बजेदेखि उनले सुनुवाइ थालेका हुन् ।
