कोरोना महामारीका कारण पूर्वराजा ज्ञानेन्द्र शाहबाट यो वर्ष दसैँमा सर्वसाधारणका लागि टीका बक्सने कार्यक्रम नहुने भएको छ ।

पूर्वराजा शाहको सचिवालयले आज सूचना प्रकाशित गरी विजयादशमीको दिन टीका बक्सने कार्यक्रम नहुने जनाएको हो । 

जारी सूचनामा पूर्वराजा यो वर्ष महाअष्टमीका दिन शक्तिपीठहरूको दर्शनमा जाने छैनन् ।

पूर्वराजा शाह र रानी कोमललाई गएको बैशाखमा कोभिड पोजेटिभ भएको थियो । दुवैलाई उपचारका लागि अस्पताल भर्ना गर्नु परेको थियो । पूर्वराजाको स्वास्थ्य केही साता सुधार भए पनि पूर्वरानीलाई कोभिडले निकै चापेको थियो ।