भोजपुरबाट प्रतिनिधिसभा निर्वाचित सांसद सुदन किराँतीले रामबहादुर थापा (बादल) सँग चुनाव लड्नु परे आफू नै काफी भएको बताएका छन् ।
प्रचण्डसँग चितवनमै गएर चुनाव लड्न सक्छु भन्ने बादलको भनाइपछि किराँतीले भने “फिस्टो मार्न किन मेसिन गन प्रयोग गर्ने, गुलेली मट्याङ्ग्रा नै काफी छ । प्रचण्डको त कल्पना नै नगरौँ, उहाँसँगै मै चुनाव लड्न सक्छु ।”
यसअघि आजै मात्र प्रेस चौतारी चितवनले आयोजना गरेको पत्रकार सम्मेलनमा बोल्दै बादलले प्रचण्डको चितवन निर्वाचन क्षेत्रबाटै आफू उम्मेदवार बन्ने बताएका थिए । त्यसक्रममा उनले चितवनको समग्र चुनाव नै प्रचण्ड भर्सेज बादल हुने बताएका थिए ।