नेपाली कांग्रेसका नेता तथा केन्द्रीय सदस्य शेखर काेइरालाले आफ्नै सभापति नेतृत्वकाे सरकारले ल्याउन लागेकाे अध्यादेशबारे आपत्ति जनाएका छन् । 

नेता काेइरालाले सामाजिक सञ्जालमार्फत अध्यादेशबाट राजकाज चलाउने साेचकाे समर्थन गर्न नसकिने बताएका हुन् । सरकारले संसदबाट परिमार्जन र सुधारसहित बजेट पास गर्नेतर्फ सकृयता देखाउनु पर्नेमा त्यहाँ प्रधानमन्त्री चुकेका उनले बताए । साथै अहिले जुन रुपमा सरकारले अध्यादेश ल्याउने कसरत गरिरहेकाे छ, त्यो कांग्रेसकाे संस्कार नभएकाे उनले बताए । 

सरकार सञ्चालनको सुबिधाको लागि राजनीतिक दल सम्बन्धि अध्यादेश ल्याईएको हुनसक्छ तर अध्यादेशवाट राजकाज चलाउने साेचकाे समर्थन गर्न सकिन्न।
सरकारले संसदबाट परिमार्जन र सुधार सहित बजेट पास गर्ने तर्फ सकृयता देखाउनु पर्थ्यो। याे चुक प्रधानमन्त्रीबाट भयाे। यो कांग्रेसको संस्कार होइन।

— Dr Shekhar Koirala (@Shekharnc) August 17, 2021