भारतीय प्रधानमन्त्री नरेन्द्र मोदीले प्रतिनिधिसभाबाट विश्वासको मत पाएलगत्तै प्रधानमन्त्री शेरबहादुर देउवालाई बधाई दिएका छन्।
असार २९ गते प्रधानमन्त्रीमा नियुक्त देउवालाई भारत र चीनका समकक्षीले बधाई दिएका थिएनन् ।
भारतीय प्रधानमन्त्री मोदीले चार दिनसम्म बधाई नदिँदा अर्थपूर्ण रूपमा हेरिएको थियो । कतिपयले देउवाले विश्वासको मत पाउन्जेल सन्देश नआउने लख काटेका थिए ।
आइतबार राति सामाजिक सञ्जालमार्फत मोदीले सफल कार्यकालको लागि देउवालाई शुभकामनासँगै सबै क्षेत्रहरूका साझेदारीलाई अझ बढाउने जनाएका छन् ।
Congratulations Prime Minister @DeubaSherbdr and best wishes for a successful tenure. I look forward to working with you to further enhance our unique partnership in all sectors, and strengthen our deep-rooted people-to-people ties.
— Narendra Modi (@narendramodi) July 18, 2021
