साउन १०, २०८१, बिहीबार
               

बिजनेसविहीन प्रतिनिधिसभा बैठक भोलि बस्दै

नेपाल फ्ल्यास
चैत २२, २०७७

ADVERTISEMENT

प्रतिनिधिसभा पुनः स्थापना भएपछि सरकारले काम नदिँदा शोक प्रस्ताव, संवैधानिक निकाय, संसदीय समितिका वार्षिक प्रतिवेदन पेस गर्दै बैठक सकिँदै आएका छन् । सङ्घीय संसद सचिवालयका अनुसार यतिबेला ३६ विधेयक विभिन्न प्रक्रियामा रहे पनि अघि बढ्न सकेका छैनन् । 

केही विधेयक संसदीय समितिबाट पास भएर प्रतिनिधिसभाको बैठकमा पेसका लागि तयारी अवस्थामा रहे पनि सरकारले चासो नदिँदा अलपत्र परेका छन् । 

यस्तै, अवस्थामा प्रतिनिधिसभा बैठक सोमबार बस्दै छ । सोमबार बस्ने प्रतिनिधिसभा बैठकका लागि सम्भावित तीन कार्यसूची तय गरिएको छ । सङ्घीय संसद् सचिवालयले आइतबार प्रकाशन गरेको सम्भावित कार्यसूचीमा संसदीय समिति तथा अख्तियार दुरुपयोग अनुसन्धान आयोगको वार्षिक कार्यसूची पेस गर्ने सम्भावित कार्यसूची हो । 

प्रधानमन्त्रीका केपी शर्मा ओलीको तर्फबाट अख्तियार दुरुपयोग अनुसन्धान आयोगको आर्थिक वर्ष २०७६–२०७७को वार्षिक प्रतिवेदन पेस गर्ने सम्भावित कार्यसूची छ । यस्तै सार्वजनिक लेखा समितिका सभापति भरतकुमार शाहले सार्वजनिक लेखा समितिको वार्षिक प्रतिवेदन २०७७ पेस गर्नेछन् । 

यस्तै, राज्यव्यवस्था तथा सुशासन समितिका सभापति शशी श्रेष्ठले सङ्घीय निजामती सेवा विधेयकसम्बन्धी समितिको प्रतिवेदन २०७७ पेस गर्ने सम्भावित कार्यसूची रहेको सङ्घीय सांसदका महासचिव डा.भरतराज गौतमले जनाएका छन् । 

प्रतिनिधिसभा बैठकमा सांसदहरूलाई बोल्नका लागि कार्यसूचीमा उल्लेख नगरिएको विशेष समय र शून्य समयको व्यवस्था हुनसक्ने सङ्घीय सांसदका प्रवक्ता डा. रोजनाथ पाण्डेले जानकारी दिए ।

मन्त्री छलफलमा सहभागी नभएसम्म विधेयक अघि बढ्दैन । विधेयक अघि बढाउने काम सरकारको भए पनि सरकारले यसमा चासो दिएको छैन । 


कस्तो लाग्यो ?

यो पनि