काठमाडौं ।नेकपा माओवादी केन्द्रका अध्यक्ष पुष्पकमल दाहाल प्रचण्डले संवैधानिक निकायका प्रमुख सेटिङमा चलेको आरोप लगाएका छन् ।
स्वर्गीय माणिकलाल श्रेष्ठको श्रद्धाञ्जलीसभामा आफ्ना धारणा राख्ने क्रममा उनले सो बताएका हुन् ।
‘देशभित्र र बाहिरका विभिन्न संवैधानिक निकायका प्रमुखको बीचमा सेटिङ हुने ऐन, नियम, मूल्य मान्यताले काम नगर्ने, सेटिङले काम गर्ने र त्यो सेटिङ नेपाली जनताको अधिकार, पहिचानविरुद्ध परिलक्षित हुने विचित्रको स्थितिमा छौँ,’ अध्यक्ष दाहालले भने ।
