काठमाडौं । नेपाली कांग्रेस पदाधिकारी र पूर्वपदाधिकारी बैठक सुरु भएको छ ।

पार्टी कार्यालय सानेपामा करिब चार बजेबाट सो बैठक सुरु भएको हो । बैठकमा क्रियाशील सदस्यता छानबिन समितिका सदस्यसँग छलफल गर्न लागिएको हो ।

बैठक मातहतका समितिबाट क्रियाशील सदस्यता वितरण र नवीकरणको सूची बुझाउने मितिमा केन्द्रित हुने बताइएको छ ।  क्रियाशील सदस्यता सम्बन्धमा विवादित जिल्लाबारे शीर्षस्थ नेताहरूसँगको छलफलबाट छानबिन समितिले निकास माग गरेको छ ।