जनता समाजवादी पार्टी (जसपा)को संसदीय दलको बैठक सुरु भएको छ। बैठक सिंहदरबारस्थित संसदीय दलको कार्यालयमा जारी छ। सरकारमा जाने विषयमा धारणा बनाउन बैठक बसेको हो ।
सत्तारुढ दल नेकपा एमालेसंग सहकार्य गर्ने विषयमा विहबिार जसपा अध्यक्षद्वय महन्थ ठाकुर, उपेन्द्र यादव र वरिष्ठ नेता राजेन्द्र महतोले अनौपचारिक छलफल गरेका थिए । प्रधानमन्त्री केपी शर्मा ओलीले जसपा नेताहरुसंग सत्तासहकार्यबारे प्रस्ताव राखेका थिए ।
बैठकमा बिहीबार एमालेका अध्यक्ष ओलीसँगको छलफलमा भएका कुराबारे शीर्ष नेताले जानकारी गराउनेछन् । बिहीबार साँझ जसपाका शीर्ष नेताले बालुवाटार पुगेर प्रधानमन्त्री ओलीसँग छलफल गरेका थिए ।
