सत्तारुढ नेपाल कम्युनिष्ट पार्टी (नेकपा) संसदीय दलको प्रमुख सचेतकबाट देव गुरुङलाई हटाइएको छ ।
प्रमुख सचेतकमा विशाल भट्टराईलाई नियुक्त गरिएको छ । संसदीय दलका उपनेता सुवास नेम्वाङका अनुसार संसदीय दलका नेता केपी ओलीले प्रमुख सचेतक परिवर्तन गरेको बताए ।
यता गुरुङले भने आफूहरुले संसदीय दलको नेताबाट ओलीलाई नै हटाइसकेकाले उनले गरेको कारबाही वैधानिक नहुने जिकिर गरेका छन् ।
ओलीले दलको प्रमुख सचेतक परिवर्तन गरेको सम्बन्धमा उनले भने, ‘हामीले ओलीलाई नै दलको नेताबाट हटाइसकेका छौँ । उहाँले संसदसँगै दल पनि भंग गर्नुभएको थियो । अहिले प्रमुख सचेतक परिवर्तन गर्न उहाँलाई कुनै नैतिक अधिकार छैन ।’