काठमाडौं । नेकपा दाहाल–नेपाल समूहले काठमाडौंको टुँडिखेलवरिपरि मानव सङ्लोसहित विरोध प्रदर्शन गरेको छ । पुस ५ मा प्रतिनिधिसभा विघटनसँगै सोको विरोधस्वरुप विभिन्न विरोधका कार्यक्रम गर्दै आएको दाहाल-नेपाल समूहले बिहीबार संसद् पुन:स्थापनाको माग गर्दै सो क्षेत्रमा मानव साङ्लोसहित विरोध प्रदर्शन गरेको हो ।
प्रदर्शनमा उत्रिएकाहरुले संसद् विघटन, महिला हिंसा, महँगी र भ्रष्टाचारलगायत मुद्दा लेखिएका पमप्लेल बोकेका थिए ।
चौथो चरणको आन्दोलनको कार्यक्रमअन्तर्गत बिहीबार मानव साङ्लोसहितको प्रदर्शन गरेको दाहाल-नेपाल समूहले शुक्रबार देशभर पालिकाका वडामा विरोध कार्यक्रम गर्ने बताएको छ ।
यसका अलावा प्रतिनिधिसभा विघटनको विरोधमा अब प्रदेश र स्थानीय तहमा विरोध कार्यक्रम गर्ने रणनीति सो समूहले अघि सारेको छ ।