काठमाडौं । आगामी चुनावको लागि छलफल गर्न निर्वाचन आयोगले राजनीतिक दलहरुलाई बोलाएको छ ।
चुनावको लागि दलका प्रतिनिधिसँग छलफल गर्न आयोगले संघीय संसद, प्रदेश सभा र स्थानीय तहमा प्रतिनिधित्व गर्ने राजनीतिक दललाई बोलाएको आयोगले जनाएको छ ।
प्रधानमन्त्री केपी शर्मा ओली सरकारले आगामी वैशाख १७ र २७ गते दुई चरणमा चुनावको घोषणा गरिसकेको छ ।
संघीय संसद, प्रदेशसभा र स्थानीय तहमा प्रतिनिधित्व गर्ने दललाई छलफलको आज लागि विहान ११ बजे बोलाएको बताइएको छ ।
आयोगका अनुसार निर्वाचन आचारसंहिताको विषयमा राजनीतिक दलहरुसँग छलफल हुने बुझिएको छ ।
त्यस्तै, निवाएचन आयोगले पनि आचारसंहिताको मस्यौदा तयार पारिसकेको जनाएको छ ।
उक्त मस्यौदामा रहेर दलका प्रतिनिधिहरुसँग सुझाव लिन लागेको हो । दलको सुझावपछि आयोगले आचारसंहिताबारे निर्णय गर्ने बताइएको छ ।
