प्रधानमन्त्री केपी शर्मा ओलीले अहिलेको अवस्थालाई सुधार नगरे आगामी दिनमा सडक आन्दोलन थप चर्किने नेपाल कम्युनिष्ट पार्टी (नेकपा) प्रचण्ड–नेपाल समूहका अध्यक्ष माधवकुमार नेपालले बताएका छन ।
प्रधानमन्त्री ओलीले संबिधान विपरित नियम मिच्दै संसद विघटन गरेर मुलुकलाई दुर्घटनाको खाडलमा पुर्याएको नेता नेपालले बताए । मुलुकलाइ ठूलो दुर्घटना हुनबाट जोगाउन अध्यक्ष पुष्पकमल दहाल (प्रचण्ड) र आफ्नो नेतृत्वको नेकपा अब सडकसंघर्ष चर्काउने र सडकबाटै ओलीलाई पुरानै स्थितिमा ल्याउने पनि नेता नेपालले बताए । उनले सरकारका प्रधानमन्त्री ओली पुराना कालका श्री ३ र जंगबहादुर बन्न कोशिस गर्दा संसद विघटन भएकाे उनले बताए ।
यता नेकपा नेतृ तथा पूर्वराज्यमन्त्री रामकुमारी झाँक्रीले मुलुकको अस्तित्व जोगाउन निडर भएर बोल्दा आफूमाथि प्रहरी लगाएर थुनामा राख्नु प्रधानमन्त्री ओलीले तानाशाही प्रवृति भएकाे आरोप लगाइन् ।
