महोत्तरी । प्रहरीले पूर्वपश्चिम राजमार्गअन्तर्गत महोत्तरीको बर्दिबास सडकखण्डको बाटो खुलाएको छ । सरकारले विभिन्न आयोगमा नियुक्त आयुक्तलाई गराएको शपथलाई असंवैधानिक भन्दै दाहाल-नेपाल(नेकपा)बुधबार बन्दको आह्वान गरेको थियो ।
सोही क्रममा महोत्तरीको बर्दिबासस्थित मुख्य चोकमा बिहीबार बिहानैदेखि प्रदर्शन गरिरहेका नेकपा प्रचण्ड-माधव समूहका कार्यकर्तालाई प्रहरीले बल प्रयोग गरेर राजमार्ग आशिंक रुपमा खुलाइएको हो ।
प्रहरीले बाटो खुलाउने क्रममा दुईपक्षबीच झडप पनि भएको छ । झडपमा हुँदा प्रचण्ड-माधव पक्षीय नेकपाका केही नेता तथा कार्यकर्ता घाइते भएका छन् ।
प्रहरीले स्कटिङ गरेर गन्तव्यतर्फ सवारीसाधनलाई पठाइरहेका छन् । प्रदर्शाकारीहरुले राजमार्गमा बसेर नाराबाजी गरिरहेका छन् ।