काठमाडौं । प्रधानमन्त्री केपी शर्मा ओलीले वैशाखमा हुने भनिएको चुनाव एक दिन पनि पर नसरी तोकिएकै दिनमा हुने बताएका छन् ।
ओलीले तोकिएको समयमा चुनाव गराउँदैनन् भनी आलोचना भइरहेका बेला सोमबार ढल्केबरमा विद्युत सवस्टेसनको उद्घाटन गर्ने क्रममा उनले सो कुरा बताएका हुन् ।
‘वैशाख १७ गते शुक्रबार र २७ गते चुनाव हुन्छ,’ प्रधानमन्त्री ओलीले भने, ‘तपाईंहरु तयार हुनूस्, एक दिन पनि फरक सर्दैन ।’
सो क्रममा दाहाल-नेपाल पक्षतर्फ इंगित गर्दै कोही पक्ष चुनाव नगराउन भन्दै निर्वाचन आयोग पुगेको बताए । उनले भने, ‘निर्वाचन आयोगको काम चुनाव नगराउने होइन, गराउने हो । निर्वाचन आयोगले गराउनुपर्छ र गराउँछ ।’
