काठमाडौं । नेपाली कांग्रेसका महामन्त्री डा.शशांक कोइरालाले संसद् पुनर्स्थापनाको पक्षमा फैसला हुने बताएका छन् ।
शहीद दिवसको अवसरमा नेपाली कांग्रेस जिल्ला कार्यसमिति पूर्वीनवलपरासीले शुक्रबार कावासोतीमा आयोजना गरेको कार्यक्रममा उनले सो कुरा बताएका हुन् ।
केपी ओलीले संविधानविपरीत संसद् विघटन गरेको बताउँदै सर्वोच्चले संविधानअनुसार संसद् पुनर्स्थापना गर्नेमा आफू विश्वस्त रहेको बताए ।
‘हिजो बिपीले पनि अदालतको विश्वास गर्नुभएको हो, आज हामी पनि सर्वोच्चलाई विश्वास गरौँ फैसला संविधानअनुसार नै आउछ,’ उनले भने, ‘सर्वोच्चले संविधानअनुसार संसद् पुनर्स्थापना गरेर लोकतन्त्रको पक्षमा फैसला गर्नेछ।’
