काठमाडौं । नेपाल कम्युनिस्ट पार्टी (नेकपा) प्रचण्ड-नेपाल समूहका अध्यक्ष पुष्पकमल दाहाल ‘प्रचण्ड’ले संसद पुर्न:स्थापनाकाे भएरै छाड्ने बताएका छन् । त्यसपछि बन्ने सरकारकाे प्रधानमन्त्रीमा कांग्रेस सभापति शेरबहादुर देउवालाई स्वीकार गर्ने बताएका छन् ।
आफूलाई प्रधानमन्त्री पदकाे लोभ नभएकाे र संविधान बचाउने, प्रणाली बचाउने र जनतालाई स्थायित्व र विकास दिने सर्तमा देउवालाई प्रधानन्त्री बनाउन आफू तयार रहेको प्राइम टाइम्स टेलिभिजनलाई अन्तरवार्तामा भनेका हुन्-‘नेकपाको संसदीय दलको नेता म पक्कै पनि हुँ अहिले, तर यसको अर्थ म प्रधानमन्त्री हुनुपर्छ भन्ने छैन,’ प्रचण्डले थपे, ‘प्रधानमन्त्री केपी ओलीले देशलाई डरलाग्दो संकटको भुमरीमा हाल्दिनुभाछ । यसबाट बचाउनु छ । मुख्य काम संविधान बचाउने, प्रणाली बचाउने र जनताको आकांक्षालाई सम्बोधन गर्ने कुरा हो । त्यसको निम्ति फेरि पनि प्रधानमन्त्री म दाबी गर्दिनँ मैले भनेको छु ।’
देउवा वा देउवाले सिफारिस गरेका व्यक्तीलाई प्रधानमन्त्रीमा स्वीकार्ने बताउँदै प्रचण्डले भने, ‘शेरबहादुर देउवा जी अहिले नेपाली कांग्रेसको सभापतिको हैसियतले, त्यसको दलको नेताको हैसियतले उहाँलाई प्रधानमन्त्री स्वीकार्न मलाई केही अप्ठ्यारो छैन । हिजो पनि मैले सहमति गरेर उहाँलाई प्रधानमन्त्री स्वीकारेको हो । उहाँले भनेकै अनुसार, समझदारी अनुसार समयमा नै उहाँलाई प्रधानमन्त्री बनाएको पनि हो ।’
साथै अब सबै दल मिलेर नजाने हो भने संविधान बचाउन, प्रणाली बचाउन, जनताको विकास, समृद्धिको आकांक्षा सम्बोधन गर्न, राष्ट्रिय स्वाधिनता, यसको भौगोलिक अखण्डताको रक्षा गर्न गाह्रो हुने भएकाे हुँदा मिल्नुकाे विकल्पन नरहेकाे अर्तर्वार्तामा बताएका छन् ।
