वैशाखमा तोकिएको निर्वाचनको विषयमा राजनीतिका दलका प्रतिनिधिसँग निर्वाचन आयोगले छलफल गरिरहेको छ। राजनीतिक दलका प्रतिनिधिहरुसँग आयोगमा अहिले छलफल भइरहेको छ ।
आयोगका सहप्रवक्ता कोमलप्रसाद धमलाका अनुसार आयोगले संघ, प्रदेश र स्थानीय तहबाट प्रतिनिधित्व गर्ने दललाई निर्वाचनको विषयमा भइरहेको तयारीबारे जानकारी गराउँदै छ ।
प्रधानमन्त्री केपी शर्मा ओलीले पुस ५ गते प्रतिनिधिसभा विघटनको सिफारिस गरेका थिए । योसंगै वैशाखमा निर्वाचनको घोषणा गरेका थिए । वैशाख १७ र २७ गतेका लागि निर्वाचनको मिति तय गरिएको छ ।
केही दिनअघि पुष्पकमल दाहाल ‘प्रचण्ड’ र माधव नेपाल अध्यक्ष रहेको नेकपाले संसद् विघटनको मुद्दा विचाराधीन रहेको अवस्थामा निर्वाचनको काम रोक्न आयोगलाई आग्रह गरेको थियो ।