काठमाडौं । नेकपा प्रचण्ड–माधव समूहका अध्यक्ष माधवकुमार नेपालले प्रधानमन्त्री ओलीमाथि थप अनुशासनको कारबाही गर्नुपर्ने अवस्था सिर्जना भएको बताएका छन् ।
पुस ५ मा संसद विघटनपश्चात् विकसित राजनीतिक घटनाक्रमअनुसार नेकपा स्पष्ट रुपमा दुई धारमा विभाजित भएको अवस्थामा बिहीबार नेपालले सो कुरा बताएका हुन् ।
यसका अलवा उनले गुटगत गतिविधि गरेको र अनुशासन उल्लंघन गरेको अध्यक्ष नेपालले ओलीमाथि आरोप लगाए ।
दुवै पक्षल एकअर्काविरुद्ध जनप्रदर्शन तथा आधिकारिकताबारे बहस चलिरहेका बेला नेता नेपालको सो भनाइ आएको हो ।
प्रधानमन्त्री केपी शर्मा ओलीले प्रतिनिधिसभा विघटन गरी वैशाख १७ र २७ मा मध्यावधि घोषणा गरेका छन् । जुन संवैधानिक कि असंवैधानिक भनी अदालतले हेर्दै छ ।
यसका अलवा प्रचण्ड–ओली समूहले बहुमत सदस्यको बैठक राखेर ओलीलाई अध्यक्ष र संसदीय दलको नेताबाट हटाउने यसअघि नै निर्णय गरेका छन् ।
ओली समूहले यो नेकपाको आधिकारिक आफूहरु नै भएको दाबी गरेको छ । र, नेकपाको आधिकारिकता विवाद निर्वाचन आयोगमा विचाराधीन छ ।
