काठमाडौं । बागमती प्रदेशका प्रदेशसभा सदस्य केशव स्थापितले गाँजाखेतीका लागि अनुमति दिन सुझाव दिएका छन् ।
राजधानीमा शनिबार भएको केपी ओलीको एक कार्यक्रममा सहभागी भएका उनले सरकारलाई सो सुझाव दिएका हुन् ।
जनयुद्ध भएको क्षेत्रका जनतालाई गाँजा खेतीको लाइसेन्स दिने हो भने उनीहरुले प्रचण्ड–माधव नेपालको साथ छोड्ने उनको भनाइ छ । अध्यादेशमार्फत् सरकारले गाँजाखेती खुला गर्ने हो भने केपी ओली नेतृत्वको नेकपालाई जनताले फेरि बहुमत दिने उनले बताए ।