काठमाडौं । प्रदेश २ मा नेकपा संसदीय दलको नेता परिवर्तन भएको छ ।
संघीय संसद विघटनसँगै नेपाल कम्युनिस्ट पार्टी (नेकपा) राजनीतिक रुपमा दुई धारमा विभाजनपश्चात् विकसित राजनीतिक घटनाक्रमसँगै सोको प्रभावस्वरुप प्रदेश २मा सो दलको संसदीय दलको नेता परिवर्तन भएका हुन् ।
मंगलबार बसेको नेकपा संसदीय दलको बैठकले संसदीय दलका नेता सत्यनारायण मण्डललाई हटाएर नेतामा शत्रुधन महतोलाई चयन गरेको छ । प्रदेशसभामा नेकपाका ३२ सदस्यमध्ये १९ जनाले मण्डललाई अविश्वास प्रस्तावमार्फत संसदीय दलका नेताबाट हटाएका हुन् ।
प्रदेश २ संसदीय दलको उपनेतामा रामकुमार यादव, प्रमुख सचेतक सुन्दरबहादुर विश्वकर्मा र सचेतकमा बेची लुङ्गेली छन् ।
