काठमाडौं ।नेकपा ओली समूहका नेता एवम् गृहमन्त्री रामबहादुर थापा बादलले प्रचण्डलाई प्रधानमन्त्री पद चाहिएको भए चुनावमा जान सुझाव दिएका छन् ।
चितवन जिल्ला भेलालाई संबोधन गर्दै उनले प्रचण्ड-माधव समूह चुनाव देखेर भागिरहेको आरोप लगाउँदै सो सुझाव दिएका हुन् । ‘मध्यावधि निर्वाचनमा गएर प्रधानमन्त्री हुन सकिन्छ,’ उनले भने, ‘पार्टी अध्यक्ष चाहिएको भए महाधिवेशनबाट कार्यकर्ताको मन जित्नुस् ।’
नेता बादलले पुरानो संसद व्यूँताएर प्रचण्ड प्रधानमन्त्री बन्न नसक्ने उनको दाबी छ । पार्टीभित्र प्रचण्ड-माधव समूहले विभिन्न जालझेल र षडयन्त्र गरेर प्रधानमन्त्री र पार्टी अध्यक्ष पदबाट केपी ओलीलाई हटाउने षडयन्त्र गरेपछि संंसद विघटन गर्नुपरेको भनाइ छ । यसका अलवा उनले नेतृत्वलाई अपदस्थ गर्ने प्रचण्ड-माधव समूहको नीति र विचार सही नभएको पनि बताए ।
