कञ्चनपुरस्थित नेपाल कम्युनिस्ट पार्टी (नेकपा) को कार्यालय कब्जा गर्न खोज्दा कार्यालय परिसरमा दुई पक्षबीच भिडन्तको अवस्था बनेको छ ।
दुई पक्षबीच भिडन्तको अवस्था भएपछि त्यहाँ ठूलो संख्यामा सुरक्षाकर्मी परिचालन गरिएको छ ।
केपी शर्मा ओली पक्षका र प्रचण्ड–नेपाल नेतृत्वको नेकपाका स्थानीय नेता कार्यकर्ताबीच त्यहाँ विवाद भइरहेको प्रहरीले जानकारी दिएको छ ।
नेता भीम रावलको उपस्थितिमिा कञ्चनपुर पार्टी कार्यालयमा प्रचण्ड–नेपाल पक्षले आज (आइतबार) कार्यक्रम गर्ने तयारी गरेपछि त्यसलाई रोक्न ओली पक्षले कार्यालयमा ताला लगाएका थिए ।
पछि प्रचण्ड–नेपाल पक्षले ताला खोलेर कार्यक्रम गर्न खोजेपछि कार्यालय स्थलमा झडपको अवस्था भएको हो ।
कञ्चनपुरमा जिल्ला अध्यक्ष विरबहादुर थापा ओली पक्षका हुन् भने सचिव तारा लामा प्रचण्ड–नेपाल पक्षका हुन् ।
