काठमाडौं । प्रधानमन्त्री केपी शर्मा ओलीले पार्टीकै कार्यकारी अध्यक्ष पुष्पकमल दाहाल प्रचण्ड र माधव नेपाल समूहलाई पिलोको संज्ञा दिएका छन् ।
मंगलबार आफूनिटक केन्द्रीय समितिको बैठकलाई सम्बोधन गर्दै उनले पिलो निचोरेर फाल्दैमा तौल नघट्ने बताएको प्रधानमन्त्री ओलीका प्रेस सल्लाहकार सूर्य थापाले बताए ।
बैठकलाई सम्बोधन गर्दै उनले आफू इतर पक्षलाई पिलोसँग तुलनासमेत गरेका हुन् ।
ओलीले जीवन शर्माको गीत गुनगुनाउँदै भने, ‘पिलो निचोरेर फाल्दैमा तौल घट्दैन...।’
पार्टी नफुटाउने, कारबाही पनि नगर्ने
यसैबीच, प्रधानमन्त्री तथा नेकपा अध्यक्ष ओलीले आफू निकटको केन्द्रीय समिति बैठकमा पार्टी नफुटाउने र कसैलाई कारबाही पनि नगर्ने बताएका छन् ।
उनलाई प्रचण्ड समूहले कारबाहीको तयारी गरिरहेको बेला ओलीले भने यस्तो बताएका हुन् ।
बालुवाटारमा जारी केन्द्रिय कमिटि बैठकलाई सम्बोधन गर्दै उनले बैठकमा बोल्दै उनले प्रचण्डलगायत कुनै पनि नेतामाथि कारबाही नगर्ने स्पष्ट पारे ।
उनले पार्टी एकता अझ सुदृढ बनाउने र महाधिवेशनबाट नयाँ पुस्तामा नेतृत्व हस्तान्तरण गर्ने समेत बताए ।
ओलीलेअघि १,१९९ सदस्यीय महाधिवेशन आयोजक समिति बनाउने प्रस्ताव गरिसकेका छन् ।
