काठमाडौं । प्रधानमन्त्री केपी शर्मा ओलीकाे कदमविरुद्ध जनता समाजवादी पार्टीले देशभर प्रदर्शन गर्ने भएकाे छ ।
जनता समाजवादी पार्टीका संघीय परिषद अध्यक्ष बाबुराम भट्टराईका अनुसार ओली सरकारले गरेका असंवैधानिक, अलोकतान्त्रिक, प्रगतिगमनकारी हर्कतका विरूद्ध प्रदर्शन गर्ने निर्णय गरेको हाे ।
थप कार्यक्रम तय गर्न मंगलबार केन्द्रीय कार्यकारिणी समिति बैठक पनि बोलाइएको भट्टराईले जानकारी दिए।
जनता समाजवादी पार्टीले प्रम ओलीको संसद विघटन गर्ने असंवैधानिक/अलोकतान्त्रिक/प्रतिगमनकारी हर्कतका विरूद्ध पौष ८ गते सबै जिल्ला सदरमुकामहरूमा विरोध प्रदर्शन गर्ने निर्णय गरेको छ।थप संघर्षका कार्यक्रम र भावी रणनीति तय गर्न पौष ७ गते केन्द्रीय कार्यकारिणी समितिको बैठक बोळाइएको छ।
— Baburam Bhattarai (@brb1954) December 21, 2020
