काठमाडौं । प्रधानमन्त्री केपी शर्मा ओली प्रचण्ड निवासबाट खुमलटारबाट बाहिरिएका छन् ।
कार्यकारी अध्यक्ष पुष्पकमल दाहाल प्रचण्डसँग छलफलका लागि शनिबार बिहान ११ बजे खुमलटार पुगेका ओली करिब सवा एक घण्टापछि बाहिरिएका हुन् ।
हिजो (शुक्रबार) साँझ बालुवाटारमा भएको भेटवार्तापछि प्रधानमन्त्री ओली पुनः प्रचण्डसँग छलफल गर्न आज बिहान उनकै निवास गएका हुन् ।
यसैबीच, दुई अध्यक्षबीच छलफल भइरहेका समयमा पार्टी उपाध्यक्ष वामदेव गौतम पनि खुमलटार प्रवेश गरेका छन् । त्यसपछि नेकपाका वरिष्ठ नेता माधव कुमार नेपाल पनि खुमलटार प्रवेश गरेका हुन् ।
नेता नेपाल आएलगत्तै प्रधानमन्त्री ओली खुमलटारबाट बालुवाटार फर्किएका हुन् ।
