काठमाडौं । सरकारविरोधी प्रदर्शनमा सहभागी हुन कांग्रेस सभापति शेरबहादुर देउवाले अपील गरेका छन् ।
आइतबार एक प्रेस विज्ञप्ति जारी गरेर देउवाले सोमबार ७७ वटै जिल्लामा हुन लागेको प्रदर्शनमा आफ्ना सदस्य, समर्थक, शुभचिन्तकहरुलाई सो अपिल गरेका हुन् ।
नेपाली कांग्रेसले देशभर सोमबार सरकारविरुद्ध प्रदर्शन गर्ने भएको छ । विज्ञप्तिमा देउवाले कांग्रेसले सडकदेखि संसदसम्म अब सरकारलाई तीव्र दबाब दिन र जनताको वितृष्णालाई सम्बोधन गर्न संयम तर शसक्त ढंगले अघि बढ्नुपर्ने सो विज्ञप्तिमा उल्लेख छ ।