काठमाडौं । साझा पार्टी र विवेकशील नेपाली दलबीच एकता भएको छ ।
अलग भएको २२ महिनापछि दुवै दलका संयोजक रविन्द्र मिश्र र विवेकशीलका मिलन पाण्डेले पार्टी एकताको सहमति पत्रमा हस्ताक्षर भएसँगै दुई पार्टीबीच एकता भएको हो । दुवै पार्टी एकीकरण भएसँगै अब सो पार्टीको नाम विवेकशील साझा पार्टी हुने भएको छ भने चुनाव चिन्ह तराजु रहनेछ ।
१३० सदस्यीय केन्द्रीय समितिमा दुवै पक्षबाट ६५/६५ जना रहने एकीकृत पार्टीको अध्यक्षमा मिश्र र संयोजकमा पाण्डे छन् । केन्द्रीय समितिको पहिलो बैठकले दुवै पक्षबाट १३/१३ जना रहने गरी २६ सदस्यीय केन्द्रीय सचिवालय गठन गरेको छ ।
एकीकृत पार्टीका संरचनाहरु गठन, पुनर्गठन र समायोजनको काम दुई महिनामा सक्ने र ६ महिनाभित्र एकता महाधिवेशन गर्ने एकता घोषणापत्रमा उल्लेख छ ।
२०७४ साउन ११ मा तत्कालीन दुई पार्टीको एकता भएको थियो भने २७ पुस २०७५ मा फुट भएको थियो ।
