काठमाडौं । नेपाल-भारत विदेश सचिवस्तरीय बैठक सुरु भएको छ ।
दरबारमार्गस्थित याक एण्ड यति होटलमा बैठक चलिरहेको छ ।
बैठकमा नेपालको नेतृत्व परराष्ट्र सचिव भरतराज पौड्यालले गरेका छन् ।
भारतको तर्फबाट विदेशसचिव हर्षबर्द्धन श्रृंगला सहभागी छन् ।
भारतीय विदेशसचिव श्रृंगला आज बिहान काठमाडौं आइपुगेका हुन् ।
बैठकमा नेपाल-भारत द्विपक्षीय सम्बन्धका सबै मुद्दाहरूमा छलफल गरिने जनाइएको छ ।
त्यस्तै भारतसँगको सीमा विवाद, ईपीजी प्रतिवेदन पनि बैठकको मुख्य एजेण्डा रहेको बताइएको छ ।
