काठमाडौं । नेकपा महासचिव विष्णु पौडेलले नेकपा केन्द्रीय सचिवालयका सबै सदस्यले सामूहिक राजीनामा दिन प्रस्ताव राखेका छन् ।
महासचिव पौडेलले बुधबार बसेको सचिवालय बैठकमा सचिवालयका सबै सदस्यले सामूहिक राजीनामा दिई नयाँ नेतृत्व चयनको प्रक्रियामा जान प्रस्ताव गरेका हुन् ।
सचिवालय सबै असक्षम भएकाले सामूहिक राजीनामा दिऊँ भन्ने प्रस्ताव राख्दै उनले स्थायी कमिटीमा गएर त्यहीँबाट नेतृत्व ल्याउनुपर्नेमा जोड दिए ।
पौडेलले भने, ‘ सचिवालय बैठकमा पार्टीमा देखापरेका एकपछि अर्को संकट समाधानमा अहिलेको सचिवालयको नेतृत्व असक्षम भएको छ ।’
त्यसैगरी, सो बैठकमा प्रधानमन्त्री तथा पार्टी अध्यक्ष केपी शर्मा ओलीले आफूले पार्टीका विवादहरुबारे आफ्नो छुट्टै प्रस्ताव ल्याउने बताएका छन्।
यसअघि शुक्रबार कार्यकारी अध्यक्ष पुष्पकमल दाहाल प्रचण्डले १९–पृष्ठ लामो प्रस्ताव पेश गरेका थिए।
