काठमाडौं । सोमबारका लागि बोलाइएको नेपाली कांग्रेसकाे केन्द्रीय कार्यसमिति बैठक फेरि स्थगित भएकाे छ । 

पार्टीभित्रको विवादको समाधान र कोरोना संक्रमणका कारण केन्द्रीय कार्यसमितिको बैठक कात्तिक २७ गते बिहीबारसम्मका लागि स्थगित भएको हो । आइतबारको पदाधिकारी र पूर्वपदाधिकारीको अनौपचारिक बैठकले केन्द्रीय कार्यसमितिको बैठक बिहीबारसम्मका लागि  स्थगित गर्ने जनाएकाे छ । 

पार्टीभित्र उत्पन्न विवादमा सहमति खोज्नुपर्ने भन्दै यसअघि शुक्रबारका लागि बोलाइएको केन्द्रीय कार्यसमिति बैठक सोमबारका लागि सारिएको थियो ।