काठमाडौं । नवनियुक्त सञ्चार तथा सूचना प्रविधिमन्त्री पार्वत गुरुङले सबै मन्त्रालयको सूचना एकद्वार प्रणालीबाट संप्रेषण गर्ने व्यवस्था मिलाउने बताएका छन् ।
मन्त्रालयमा पदभार गर्दै मन्त्री गुरुङले मन्त्रालयको सूचना लुकाएर बस्ने स्थितिको अन्त्य गर्दै एकद्वार प्रणालीमार्फत सूचना दिने व्यवस्था मिलाउने जानकारी दिए ।
पदभार गर्दै उनले भने, ‘कुनै पनि मन्त्रालयमा गलत कुरा छन भने त्यसको अनुसन्धान गरेर बाहिर ल्याउने काम मन्त्रालयले गर्छ,’ उनले भने ।
प्रधानमन्त्री केपी शर्मा ओलीले बुधबार साँझ ११औँ पटक मन्त्रिमण्डल पुनर्गठन गरेका छन् । सो पुनर्गठनमा परेका उनले महिला तथा समाजिक मन्त्री रहेका मन्त्री गुरुङले सञ्चार तथा सूचना प्रविधि मन्त्रालयको जिम्मेवारी पाएका हुन् ।
