काठमाडौं । साझा पार्टीले शरदराज पाठकलाई प्रवक्ता नियुक्त गरेको छ ।
६ महिनादेखि सहप्रवक्ताको भूमिकाकमा रहेकका केन्द्रीय सदस्य पाठकलाई प्रवक्तामा नियुक्त गरिएको शनिबार जारी प्रेस विज्ञप्तिमार्फत् जानकारी दिइएको छ ।
उनी गएको संघीय निर्वाचनमा चितवन क्षेत्र नं. ३ बाट पार्टीका उमेदवार थिए ।
ग्रामीण विकासमा स्नातकोत्तर गरेका पाठकले साझा पार्टीमा सकृय हुनअघि विभिन्न सञ्चारमाध्यममा सम्पादकीय नेतृत्व गरेका थिए ।
उनी अष्ट्रेलियामा रहँदा अष्ट्रेलियाको नेपालीपत्र साप्ताहिकको संस्थापक सम्पादक भएर काम गरेका थिए ।
त्यसअघि उनी नेपालमा कालिका एफएम तथा रेडियो अन्नपूर्ण नेपालको समाचार प्रमुख र कान्तिपुर एफएमको सम्पादकीय टोलीका सदस्य थिए ।