काठमाडौं । नेपाली कांग्रेसका सभापति शेरबहादुर देउवाले शुभेच्छुक संस्था समन्वय विभागमा सदस्य मनोनीत गरेका छन् ।
उनले पिछल्लो सयम सो विभागमा मुकेश काफ्ले र विष्णु धिताललाई मनोनीत गरेका हुन्। देउवाले सो विभागको प्रमुखको जिम्मेवारी काफ्लेलाई दिएका छन् भने उपप्रमुखको भूमिका धिताललाई दिएका छन् ।
विभागमा बढीमा ५१ जना सदस्य बनाउन मिल्ने विधानको व्यवस्था भए पनि देउवाले बिहीबार विस्तार गरेको शुभेच्छुक संस्था समन्वय विभाग ४८ जना थप गरेका छन् ।
शेरबहादुर देउवाले पार्टी एकलौटी रुपमा चलाएको भन्दै पछिल्लो समय उनको व्यापक विरोध हुँदै आएको छ । यसअघि पनि देउवाले पार्टी विधिअनुरुप भन्दा पनि स्वेच्छाचारी रुपमा चलाउएको भनी आरोप लाग्ने गरेको थियो ।
तर, पछिल्ला यी दुई व्यक्तिलाई मनोनीत गरेसँगै उनको आलोचना अझ बढ्ने संकेत देखिएको छ ।
