नेपाली कांग्रेस नेता डा. शेखर कोइरालाले मिडियाको जिम्मेवारीका विषयमा  भारतले नेपाली मिडियासँग सिक्नुपर्ने बताएका छन् । जिम्मेवारी के हो भन्ने नेपाली मिडियाबाट भारतले सिक्नुपर्ने उनले बताए । नेपाल र प्रधानमन्त्री केपी शर्मा ओलीको विषयमा भारतीय मिडियाले आपत्तिजनक सामग्री प्रशारण गरिरहेका बेला नेता कोइरालाले यस्तो धारणा राखेका हुन् ।

भारतीय मिडियाले दुई देशको सम्बन्धमा आँच आउने सामग्री प्रसारण गरेको डा. कोइरालाको निष्कर्ष छ । ‘केही भारतीय मिडियाले नेपालका प्रधानमन्त्रीको चरित्र हत्या गर्ने र दुई देशको सम्बन्धमा आँच आउने सामग्री प्रशारण गर्नु दुःखद् कुरा हो,’ उनले ट्विटरमा लेखेका छन्, ‘मिडियाको जिम्मेवारी उनीहरूले नेपालबाट सिक्नुपर्ने देखिन्छ ।’

केही भारतीय मिडियाले नेपालका प्रधानमन्त्रीको चरित्र हत्या गर्ने र दुई देशको सम्बन्धमा आँच आउने सामाग्री प्रशारण गर्नु दुःखद कुरा हो।मिडियाको जिम्मेवारी उनीहरुले नेपालबाट सिक्नुपर्ने देखिन्छ।

— Dr Shekhar Koirala (@Shekharnc) July 13, 2020

नेपाली भूमि लिपुलेकमा भारतले बाटो बनाएपछि सो भूमि समेटेर नेपालले नयाँ नक्सा प्रकाशन गरेको छ । त्यसपछि भारतीय मिडियाले नेपालसँग जोडेर आपत्तिजनक विषयवस्तु प्रकाशन, प्रशारण गर्दै आएको  छ। भारतीय सञ्चारमाध्यमले नेपाल र नेपाली नेतृत्वको विषयमा झुटा र उच्छृंखल सामग्री प्रशारण गरेपछि नेपालले ‘प्रोटेस्ट नोट’ पठाइसकेको छ ।