काठमाडाैं ।नेपाल कम्युनिष्ट पार्टी (नेकपा)का अध्यक्ष पुष्पकमल दाहाल ‘प्रचण्ड’ले नारायणी नदीको कटान रोक्नका लागि आवश्यक काम भइरहेकाले डर नमान्दा हुने बताएका छन् ।
भरतपुर महानगरपालिका वडा नं २७ र २८ को सीमाक्षेत्र न्यूरेचोकमा नारायणीले कटान गरेको क्षेत्रको शनिबार निरीक्षण गर्दै उनले यस्तो बताएका हुन् ।
साथै, उनले तत्कालका लागि अस्थायी समाधानको काम नेपाली सेना, सशस्त्र प्रहरी, नेपाल प्रहरी र स्थानीयवासीले गरिरहेको बताए ।
पार्टीको आन्तिरक विवाद चर्किरहेका बेला एकाएक उनी चितवन पुगेका हुन् ।
जबजब अफ्ठ्यारोमा परिस्थिति आउँछ तबतब एकान्तमा बस्ने प्रचण्ड नेकपामा विवाद चर्किरहेका बेला यो पटक आफ्नै क्षेत्र चितवन पुगेका हुन् ।
यस्तै, दाहालले प्रधानमन्त्रीसँगको संवादलाई छाडेर आफू निरीक्षणका लागि आएको बताएका छन् । तर, उनले आफू पार्टीका अर्का अध्यक्ष एवं प्रधानमन्त्रीसँग परामर्श गरेरै आफू निरीक्षणमा आएको बताए ।
