काठमाडौं । आज बस्न भनिएको सत्तारुढ दल नेपाल कम्युष्टि पार्टी (नेकपा) को स्थायी कमिटी बैठक २४ गतेसम्मको लागि स्थगित भएको छ । यसबारे वर्तमान प्रधानमन्त्री केपी शर्मा ओलीका प्रेस सल्लाहकार सूर्यबहादुर थापाले जानकारी दिए ।
केही दिन अघिबाट नेकपा पार्टीभित्रै राजनैतीक विवाद चुलिएर सतहमा पुगेपछि नेकपाको स्थायी कमिटी बैठक सरिरहेको छ । प्रधानमन्त्री ओलीलाई नेकपाबाटै पार्टी अध्यक्ष र प्रधानमन्त्री दुवै पद छाड्न पर्ने दवाव परेको छ ।
तर, ओलीले भने कुनै पनि पद नछाड्ने अडान लिँदै आएका छन् । अर्का पार्टी अध्यक्ष पुश्पकमल दाहाल (प्रचण्ड) र नेकपाका वरिष्ठ नेता माधव कुमार नेपाल एकजुट भएर ओलीलाई दवाव दिइरहेका छन् ।
