काठमाडौं । प्रदर्शनकारीलाई कांग्रेस एक जना ठूलै नेताले साथ दिएका छन् । नेपाली कांग्रेसका नेता डा. शेखर कोइरालाले देशका विभिन्न ठाउँमा भएका प्रदर्शनको साथ र समर्थन गरेका छन् ।
उनले सामाजिक सञ्जाल ट्वटीटरमार्फत सरकारले आरडीटी र पीसीआरमा भ्रष्टाचार गरेको, राहत वितरणमा पनि भ्रष्टाचार गरेको क्वारेन्टाइनमा भ्रष्टाचार गरेको त्यस्तै चार्टर फ्लाइटमा पनि भ्रष्टचार गरेको आरोप लगाउँदै देशमा भएको प्रदर्शन भ्रष्टाचारविरुद्धको भएको भनेका छन् ।
त्यस्तै कोइरालाले भ्रष्टाचारको चाङमाथि उभिएको सरकार भन्दै प्रदर्शनकारीलाई बधाई पनि दिएका छन् । उनले लेखेका छन्, ‘बधाई स्वतस्फूर्त प्रदर्शनमा उत्रिएका ति युवाहरुलाई ।’
हिँजो सरकारले गरेको खर्च पारदर्शी हुनुपर्ने, पीसीआर परीक्षणको दायरा बढाउनुपर्ने माग राख्दै देशका विभिन्न ठाउँमा जनताहरु सरकारविरुद्ध प्रदर्शनमा उत्रिएका थिए ।
