काठमाडौं । लकडाउनको मोडालिटी टुंगो लगाउनका लागि आज मन्त्रिपरिषद् बैठक बस्दैछ ।
प्रधानमन्त्री निवास बालुवाटारमा साँझ ६ बजे बस्ने बैठकले जारी लकडाउनको मोडालिटी परिवर्तन गर्ने विषयमा छलफल हुने एक मन्त्रीले जानकारी दिए ।
कोरोना भाइरस संक्रमण रोकथाम तथा नियन्त्रणका लागि उपप्रधानमन्त्री तथा रक्षामन्त्री ईश्वर पोखरेल नेतृत्वको उच्चस्तरीय समन्वय समितिले मोडालिटी टुंगो नलगाएपछि मन्त्रिपरिषद बैठकबाटै टुंगो लगाउने बताइएको छ ।
जारी लकडाउन जेठ ३२ गते सकिँदैछ । लकडाउन नसकिँदै भोलि (बुधबार) देखि नै लागू हुनेगरी जोखिम र कम जोखिम क्षेत्रका आधारमा लकडाउनको मोडालिटी तय गर्ने तयारी छ ।
बिहीबार बसेको मन्त्रिपरिषद् बैठकले लकडाउनको मोडालिटी तयार पार्न उच्चस्तरीय समन्वय समितिलाई निर्देशन दिएको थियो। सिसिएमसीसँग परस्पर बाँझिनेगरी उच्चस्तरीय समन्वय समितिले प्रस्ताव तयार गरेपछि निर्णय हुन सकेको छैन ।
सरकारले गत चैत ११ गतेदेखि लकडाउन गर्दै आएको छ।
