काठमाडौं । जनता समाजवादी पार्टी नेपालकाे वरियतामा सहमति जुटेको छ ।
पार्टीका तीन नेताहरु महन्थ ठाकुर, डा बाबुराम भट्टराई र उपेन्द्र यादवबीच आइतबार भएको छलफलबाट महन्थ ठाकुरलाई अध्यक्षसहितको पहिलो वरियता दिइएको छ ।
यस्तै डाक्टर बाबुराम भट्टराईलाई दोस्रो वरियता र संघीय परिषद् अध्यक्ष दिने सहमति भएको छ । यस्तै तेस्रो वरियता सहित उपेन्द्र यादव केन्द्रीय समितिको अध्यक्ष बन्नेछन् । यस्तै अशोक राई र राजेन्द्र महतो वरिष्ठ नेता हुँदा उनीहरुको वरियता क्रमशः चौथो र पाँचौ हुने सहमति बनेको पार्टी स्रोतले बताएको छ ।
यसअघि नेतृत्वको विषयमा विवाद रहँदा पार्टी दर्तामा ढिलाइ हुँदै आएको थियो ।
