काठमाडौं । परराष्ट्रमन्त्री प्रदीप ज्ञवालीले भारतले नेपाली भूमि अतिक्रमण गरेर बनाएको सडकबारे सरकारलाई पूर्वजानकारी रहेको बताएका छन् ।
आइतबारको प्रतिनिधिसभा बैठकमा सांसदहरुले भारतले नेपाली भूमिमा सडक बनाएकोबारे सरकारलाई जानकारी थियो कि थिएन ? जानकारी थियो भने अहिलेसम्म सरकारले के गर्यो भनेर प्रश्न गरेका थिए ।
जवाफमा परराष्ट्रमन्त्री ज्ञवालीले सडक निर्माणबारे सरकारलाई थाहा भएको बताएका हुन् ।
भारतले उक्त सडक बनाउने निर्णय सन् २००५ मा गरेको थियो भने २००८ मा निर्माण थालेको थियो । त्यसले नयाँ गति भने २०१४ मा लिएको मन्त्री ज्ञवालीले जानकारी दिए ।
सीमा समस्या समाधानका नेपाल सरकारले पटक पटक प्रयास गर्दै आएको उनले जानकारी दिए ।
नेपाली भूमि अतिक्रमणको विषयमा बोले परराष्ट्रमन्त्री ज्ञवाली
भारतले एकपक्षीय रुपमा लिपुलेक हुँदै सडक सञ्चालनमा ल्यायोभारतसँग वार्ताको मिति प्रस्ताव गरेको र जुनसुकै तहमा ट्रयाक, ट्रयाक १.५ वा ट्रयाक २ जुनसुकै लेभलमा कुरा गर्न हामी तयार रहेको बताउँदै आयौं’ उनले भने, ‘केही अनौपचारिक कुराकानी नभएका पनि होइनन् । सामान्यतया फेब्रुअरीको अन्त्यतिर बैठक बस्न सक्ने दिशातिर छलफल अगाडि बढेका थिए ।’
तर कोरोनाको महामारीसँगै सबैको ध्यान यतातिर केन्द्रित भएको र बैठक हुन नसकेको उनले बताए ।
परराष्ट्रमन्त्री ज्ञवालीले सीमा समस्याको समाधान कूटनीतिक माध्यमबाटै गर्न सकिन्छ भन्नेमा सरकार दृढ रहेको समेत बताए ।
