काठमाडौं । नेपाली कांग्रेसकाे केन्द्रीय कार्यसमितिको बैठक बस्ने भएकाे छ । कांग्रेसको केन्द्रीय कार्यसमितिको बैठ वैशाख १७ मा बस्न लागेको हो ।
केन्द्रीय कार्यसमितिको बैठक सरकारले ल्याएका पछिल्ला दुई अध्यादेश छलफलका लागि बोलाइएको कांग्रेसले जानकारी दिएको छ ।
बैठकमा केन्द्रीय कार्यसमितिका पदाधिकारी, केन्द्रीय सदस्यहरु र आमन्त्रित केन्द्रीय सदस्यलाई पनि उपस्थितिका लागि आह्वान गरिएको छ ।
कांग्रेसका केन्द्रीय सदस्यहरुले वर्तमान सरकारले शासन सञ्चालनको वैधता गुमाएको भन्दै आन्दोलनबारे ठोस निर्णयका लागि केन्द्रीय कार्यसमितिको बैठक बोलाउन माग गरेपछि कार्यसमितिको बैठक बोलाइएको हो ।
सरकारले राजनीतिक दल सम्बन्धी अध्यादेशमा पार्टी फुटाउन केन्द्रीय समिति वा संसदीय दलमा ४० प्रतिशत भए पुग्ने र संवैधानिक परिषदसम्बन्धी अध्यादेशमा प्रतिपक्षी दलको नेताविना संवैधानिक परिषद्को बैठक बसेर आवश्यक निर्णय गर्नसक्ने गरी सोमबार अध्यादेश ल्याएको छ ।
