काठमाडौं । सरकारले कोरोना लकडाउनकाे समय वैशाख १५ गतेसम्म बढाउने निर्णय गरेको छ । बैठकले १८ वैशाखसम्म सबै सीमानाका बन्द जारी राख्ने निर्णय समेत गरेको छ ।
मंगलबार प्रधामन्त्री निवास बालुवाटारमा बसेको मन्त्रिपरिषद् बैठकले लकडाउनको अवधि थप १२ दिन बढाएर १५ वैशाखसम्म पुर्याएको हो ।
चौँथो पटक मन्त्रिपरिषद बैठकले लकडाउन लम्बाउने निर्णय गरेको हो । सरकारले पहिलोपटक ११ चैतदेखि लकडाउन लागू गरेको थियो। नेपालमा कोरोना भाइरसको संक्रमणको जोखिम बढेपछि लकडाउन गरिएको हो।संक्रमित बढ्न थालेपछि सरकारले लकडाउनको अवधि पनि बढाउदै लगेको हाे ।
