नेपाली कांग्रेसका सभापति तथा पूर्वप्रधानमन्त्री शेरबहादुर देउवाले सामाजिक सञ्जालमार्फत तत्काल राहात घोषणा गर्न आग्रह गरेका छन् ।
उनले दैनिक ज्याला मजदुरी गरेर जीवन निर्वाह गर्नेहरूका लागि तत्काल विशेष राहत प्याकेज घोषणा गर्न यस्तो आग्रह गरेका हुन् ।
देउवाले कोरोनाबाट सुरक्षित हुँदाहुँदै कुनै समूह भोकमारीको सिकार बन्न नपरोस् भन्दै सरकारलाई सजग गराएका छन् । उनले ट्विटरमा लेखेका छन्, ‘म सरकारलाई दैनिक ज्यालादारीमा निर्भर रहेका र न्यून आय भएकालाई तत्काल विशेष राहत प्याकेज घोषणा गर्न अनुरोध गर्दछु ।’
साथै, विश्वमहामारीबाट बच्नका लागि लकडाउनको विकल्प नभएको भन्दै देउवाले लकडाउनको समर्थन गरेका छन् ।
‘लकडाउनविश्वभरी फैलिएको कोरोनाभाइरसबाट सुरक्षित हुनका लागि सरकारले गरेको लकडाउन उत्तम विकल्प छैन,’ देउवाले ट्विटमा भनेका छन् ।