नेपाली कांग्रेसका सभापति शेरबहादुर देउवाले नेता डा. शेखर कोइरालालाई काठमाडौं फर्कन निर्देशन दिएका छन् ।
सभापति शेरबहादुर देउवाले गुटको भेला गरी हिँडेको भन्दै डा. कोइरालालाई प्रवक्ता विश्वप्रकाश शर्मामार्फत् यस्तो निर्देशन दिएका छन् ।
नेपाली कांग्रेसको केन्द्रीय कार्यालयले कोरोना संक्रमणबाट जोगिन सभा सम्मेलन रोक्ने निर्णय गरेको, तर, उनले गुटको भेला गर्दै हिँडेकाले डा. शेखर कोइरालालाई काठमाडौं फर्किन मौखिक निर्देशन दिएको देउवा पक्षले बताएको छ ।
अर्को वर्ष हुने कांग्रेसको १४ औं महाधिवेशन नेताहरुलाई लागिसकेको छ । डा. कोइराला पनि आगामी महाधिवेशनका सभापतिका आकांक्षी हुन् । उनी केही समयअघिदेखि नै देश दौडाहामा व्यस्त हुँदै आएका थिए । यसै क्रममा उनी शुक्रबार गोरखा पुगेका छन् ।
डा. कोइरालाले चैत अन्तिम साता नेपालगन्जमा आयोजना हुने भनिएको नेपाल प्रेस युनियनको अधिवेशन रोक्न नहुने धारणा राखेसँगै देउवा पक्ष उनीप्रति आक्रोशित देखिएका छन् ।