काठमाडौं । धर्मप्रसाद घिमिरे भारतको पश्चिम बंगालमा मृत भेटिएका छन् । उनी झापाका पुराना कम्युनिस्ट नेता हुन् । लामो समयदेखि डिप्रेसनको औषधि प्रयोग गर्दै आएका उनी बागडुग्रानजिकैको चिया बगानस्थित सडकमा मृत भेटिएका हुन् ।
इलाका प्रहरी कार्यालय काँकडभिट्टाका प्रमुख डिएसपी राजेन्द्र पोखरेलले सवारी साधनले ठक्कर दिँदा उनको मृत्यु भएको जानकारी दिए ।
उनी नेपालको पहिलो संविधानसभा सदस्य हुन् । उनी चर्चित ‘नख्खु जेल ब्रेक काण्ड’का सदस्य पनि हुन् ।
उनी २०२३ देखि राजनीतिमा लागेका थिए । उनी घिमिरे ओझेलमा परेका एक पुराना कम्युनिस्ट नेता मानिन्छन् ।
उनी झापा विद्रोहमा लागेकै कारण उनले ९ वर्षसम्म जेल जीवन बिताएका थिए । घिमिरेका एक छोरा र २ छोरी छन् ।
