सत्तासीन नेपाल कम्युनिस्ट पार्टी नेकपामा अध्यक्ष पुष्पकमल दाहालमाथि जुत्ता प्रहार भएको छ ।
भरतमोहन अधिकारीको स्मृति फाउन्डेसन नेपालको कार्यक्रमपछि दाहालमाथि जुत्ता प्रहार भएको हो । नेकपामा कार्यकारी अध्यक्ष दाहाललाई ताकेर जुत्ता प्रहार गरिए पनि उनलाई लागेको भने थिएन ।
कार्यक्रम राष्ट्रियसभामा भएको थियो । जुत्ता प्रहार गर्ने व्यक्तिलाई प्रहरीले नियन्त्रणमा लिएको छ । उनी जुम्लाको सिँजाका रतन तिरुजा भएको प्रहरीले जनाएको छ । तिरुजा माओवादीका पूर्वलडाकु भएको खुलेको छ ।
