नेपाल कम्युनिष्ट पार्टी (नेकपा)का स्थायी कमिटी सदस्य एवम् सुदूरपश्चिम इन्चार्ज भीम रावलले पार्टी फुट्छ भन्ने हल्ला निराधार भएको बताएका छन्। उनले पार्टीमा राष्ट्रियसभा सदस्य चयन र एमसीसीबारे बहस हुनु स्वभाविक भएको बताए ।
बहसकै आधारमा पार्टी फुट्छ भन्नु निराधार भएको उनको भनाइ छ । धनगढीमा आज आयोजित पत्रकार सम्मेलनमा बोल्दै कार्यकर्तालाई निराश हुनुभन्दा ठिक- बेठिक छुट्याएर अघि बढ्न रावलले सुझाव दिए ।
नेता रावलले एमसिसीमा जनताको चासो बढेकामा खुशी व्यक्त गरे । उन एमसिसीबारे तयार पारिएको प्रतिवेदनलाई अन्तिम रुप दिन पार्टीले कार्यदल गठन गरेका आधिकारीक धारणा केही दिनभित्रै आउने बताए । राष्ट्रियसभा सदस्यबारे पार्टीको बैठकले गरेको निर्णय सबैले मान्नुपर्ने उनले बताए ।
