विश्वव्यापी महामारी कोभिड–१९ का कारण गत साता विदेशमा थप एक नेपालीको मृत्यु भएको बताएको छ । गैरआवासीय नेपाली संघ (एनआरएनए) का अनुसार साउदी अरबमा एक नेपालीको कोरोना संक्रमणबाट निधन भएको हो ।

एनआरएनए, स्वास्थ्य समितिका अनुसार कुल ४२ हजार ७५२ नेपालीमा कोरोना भाइरस संक्रमण पुष्टि भएको छ । जसमध्ये ३९ हजार १७९ जना अर्थात् ९२ प्रतिशत कोरोनामुक्त भएका छन् । 

गत साता भारत, कतार र स्पेनका नेपालीमा थप कोरोना संक्रमण देखिएको छ । हालसम्म १९ देशका २८४ नेपालीको कोरोना संक्रमणबाट निधन भइसकेको जानकारी एनआरएन, कोभिड–१९ उच्चस्तरीय समितिका प्रेस संयोजक चिरन शर्माले दिए ।