बैशाख २२, २०८१, शनिबार
               

बाँकेमा कोरोनाका कारण कुल ६३ जनाको मृत्यु

नेपाल फ्ल्यास
कात्तिक २२, २०७७

ADVERTISEMENT

बाँके । कोरोना भाइरस सङ्क्रमणका कारण बाँकेमा कुल ६३ जनाको मृत्यु भएको छ । यसरी कोरोनाका कारण मृत्यु हुनेमा बाँकेका ३५ र अन्य जिल्लाका २८ छन् । 

जिल्ला स्वास्थ्य कार्यालयका अनुसार लुम्बिनी प्रदेशका साथै कर्णाली र सुदूरपश्चिम प्रदेशका सङ्क्रमित बिरामीसमेत उपचारका लागि शिक्षण अस्पताल कोहलपुर र नेपालगञ्जस्थित भेरी अस्पतालमा प्रेषण हुने गरेकाले मृतकको सङ्ख्या बढ्दो रहेको छ ।

भेरी अस्पताल नेपालगञ्जमा उपचाररत दाङका एक कोरोना सङ्क्रमितको आज बिहान मृत्यु भएको छ । दाङको घोराही उपमहानगरपालिका—१५ निवासी ५९ वर्षीय पुरुषको उपचारका क्रममा अस्पतालमै बिहान ५ः२५ बजे मृत्यु भएको स्रोतव्यक्ति श्रेष्ठले जानकारी दिए । 

ती पुरुषलाई स्वास्थ्यमा समस्या भएपछि कात्तिक ६ गते राप्ती स्वास्थ्य विज्ञान प्रतिष्ठान दाङमा उपचारको क्रममा कोरोना सङ्क्रमण पुष्टि भएपछि थप उपचारका लागि कात्तिक २० गते साँझ भेरी अस्पताल नेपालगञ्जमा भर्ना गरिएको थियो । उनको भेरी अस्पतालको कोभिड आइसियूमा उपचारकै क्रममा मृत्यु भएको हो ।


कस्तो लाग्यो ?

यो पनि